Maxfiylik siyosati

I. Umumiy qoidalar

1.1. Shaxsiy ma’lumotlarga ishlov berishga oid ushbu Siyosat (keyingi o‘rinlarda – “Siyosat”) “AXBOROT ERKINLIGI PRINSIPLARI VA KAFOLATLARI TO‘G‘RISIDA”gi hamda “Axborotlashtirish to‘g‘risida”gi O‘zbekiston Respublikasi Qonunlariga muvofiq ishlab chiqilgan bo‘lib, “tmarket.uz” korxonasining (keyingi o‘rinlarda – “Korxona”) shaxsiy ma’lumotlarga (keyingi o‘rinlarda – “Ma’lumotlar”) ishlov berish va ularni himoya qilish, har bir insonning huquq va erkinliklariga, xususan, shaxsiy hayot daxlsizligi, shaxsiy va oilaviy sirga bo‘lgan huquqiga rioya etish sohasidagi pozitsiyasini belgilaydi.

 II. Qo‘llash doirasi

 2.1. Mazkur Siyosat ushbu Siyosat kuchga kirgunga qadar olingan Ma’lumotlarga ham, kuchga kirganidan keyin olingan Ma’lumotlarga ham tatbiq etiladi.

 2.2. Korxona Ma’lumotlarning muhimligi va qimmatini anglagan holda, shuningdek, O‘zbekiston Respublikasi fuqarolari va boshqa davlatlar fuqarolarining konstitutsiyaviy huquqlariga rioya etilishini ta’minlash maqsadida Ma’lumotlarning ishonchli himoyasini kafolatlaydi.

 III. Atamalar ta’rifi

 3.1. Ma’lumotlar deganda to‘g‘ridan to‘g‘ri yoki bilvosita aniqlangan yoxud aniqlanayotgan jismoniy shaxsga (fuqaroga) oid har qanday axborot tushuniladi. Ya’ni bunday axborotga, xususan, quyidagilar kiradi: F.I.Sh., tug‘ilgan yili, oyi, sanasi va joyi, manzili, oilaviy, ijtimoiy, mulkiy ahvoli, ma’lumoti, kasbi, daromadlari to‘g‘risidagi ma’lumotlar, telefon raqami, aloqa uchun elektron pochta manzili, vakant lavozimlarga nomzodlar anketani to‘ldirishda o‘zlari haqida qoldirgan ma’lumotlar, shu jumladan nomzodning rezyumesida mavjud bo‘lgan axborot, shuningdek boshqa axborotlar.

 3.2. Ma’lumotlarga ishlov berish — avtomatlashtirish vositalaridan foydalanib va (yoki) bunday vositalardan foydalanmasdan Ma’lumotlar bilan amalga oshiriladigan har qanday harakat (operatsiya) yoki harakatlar (operatsiyalar) majmui tushuniladi. Bunday harakatlarga (operatsiyalarga) quyidagilar kiradi: Ma’lumotlarni yig‘ish, yozib olish, tizimlashtirish, to‘plash, saqlash, aniqlashtirish (yangilash, o‘zgartirish), chiqarib olish, foydalanish, uzatish (tarqatish, taqdim etish, kirishni ta’minlash), shaxssizlantirish, bloklash, o‘chirish, yo‘q qilish.

 3.3. Ma’lumotlar xavfsizligi — Ma’lumotlarning ularga noqonuniy va (yoki) ruxsatsiz kirishdan, yo‘q qilinishidan, o‘zgartirilishidan, bloklanishidan, nusxa ko‘chirilishidan, taqdim etilishidan, tarqatilishidan, shuningdek, Ma’lumotlarga nisbatan boshqa noqonuniy harakatlardan himoyalanganligi tushuniladi.

 IV. Ma’lumotlarga ishlov berishning huquqiy asoslari va maqsadlari

 4.1. Korxonada Ma’lumotlarga ishlov berish va ularning xavfsizligini ta’minlash O‘zbekiston Respublikasining Konstitutsiyasi, qonunlari, Mehnat kodeksi, qonunosti hujjatlari, ma’lumotlarga ishlov berish holatlari va xususiyatlarini belgilovchi boshqa qonunlari, shuningdek, O‘zbekiston Respublikasi tegishli organlarining rahbariy va uslubiy hujjatlari talablariga muvofiq amalga oshiriladi.

 4.2. Korxona tomonidan ishlov beriladigan Ma’lumotlar subyektlari quyidagilar hisoblanadi:

sodiqlik bonus dasturlari ishtirokchilari;

mijozlar — iste’molchilar, shu jumladan Korxonaga tegishli bo‘lgan tmarket.uz saytiga (keyingi o‘rinlarda — “Sayt”) tashrif buyuruvchilar, xususan, mijozga keyinchalik yetkazib berish uchun Saytda buyurtma rasmiylashtirish maqsadida tashrif buyuruvchilar, maishiy texnikani yetkazib berish, sozlash va o‘rnatish bo‘yicha xizmatlarni oluvchilar;

ma’lumotlari shartnoma (ma’lumotlar operatorlarining topshirig‘i) asosida uchinchi shaxslar – ma’lumotlar operatorlari manfaatlarini ko‘zlab qayta ishlanadigan jismoniy shaxslar.

 4.3. Korxona Ma’lumotlar subyektlarining ma’lumotlariga O‘zbekiston Respublikasi qonunchiligi bilan Korxonaga yuklatilgan funksiyalar, vakolatlar va majburiyatlarni bajarish maqsadida, jumladan, O‘zbekiston Respublikasining Fuqarolik kodeksi, Soliq kodeksi, Mehnat kodeksi, Oila kodeksi va boshqa qonunlariga, shuningdek, Ma’lumotlar operatorlari, Korxonaning Ustavi va ichki hujjatlariga muvofiq ishlov beradi.

 4.3.1. Korxonaning kontragentlari bo‘lgan yuridik shaxslarning vakillari – Korxona xo‘jalik faoliyatining turli yo‘nalishlari bo‘yicha shartnomani bajarish maqsadida bunday yuridik shaxs xodimlarining ma’lumotlari taqdim etiladigan shartnomalarni tuzish, ular yuzasidan muzokaralar olib borish va ularni bajarish uchun.

 4.3.2. Jismoniy shaxslar – ma’lumotlari Ma’lumotlar operatorlarining topshiriq shartnomalarini bajarish maqsadida shartnoma (Ma’lumotlar operatorlarining topshirig‘i) asosida uchinchi shaxslar – Ma’lumotlar operatorlari manfaatlarini ko‘zlab qayta ishlanadi.

 4.3.3. Sodiqlik dasturlarining bonusli ishtirokchilari quyidagi maqsadlarda:

 aksiyadagi tovarlar, shaxsiy hisobvaraq holati to‘g‘risida ma’lumot berish;

 ishtirokchini sodiqlik dasturida identifikatsiya qilish;

 bonuslarni jamg‘arish va ulardan foydalanishni hisobga olish tartibini ta’minlash;

Korxonaning sodiqlik dasturi bo‘yicha majburiyatlarini bajarishi.

 4.3.4. Mijozlar – iste’molchilar quyidagi maqsadlarda:

tovarlar/xizmatlar, o‘tkazilayotgan aksiyalar va maxsus takliflar to‘g‘risida axborot taqdim etish;

Korxona tomonidan taqdim etiladigan servis sifatini tahlil qilish va Korxona mijozlariga xizmat ko‘rsatish sifatini yaxshilash;

buyurtma holati to‘g‘risida xabardor qilish;

shartnomani, jumladan, Saytda masofaviy usulda tuzilgan oldi-sotdi shartnomasini, haq evaziga xizmat ko‘rsatish shartnomasini bajarish;

maishiy texnikani o‘rnatish va ulash bo‘yicha xizmatlar ko‘rsatish, shuningdek, o‘zaro hisob-kitoblarni amalga oshirish uchun iste’molchilarga ko‘rsatilgan xizmatlar hisobini yuritish;

Saytda buyurtma bergan mijozga buyurtma qilingan tovarni yetkazib berish, tovarni qaytarish.

 V. Ma’lumotlarga ishlov berishning tamoyillari va shartlari

 5.1. Korxona Ma’lumotlarga ishlov berishda quyidagi tamoyillarga amal qiladi:

Ma’lumotlarga ishlov berish qonuniy va adolatli asosda amalga oshiriladi;

 Ma’lumotlar subyektining roziligisiz uchinchi shaxslarga oshkor etilmaydi va tarqatilmaydi, vakolatli davlat organlarining so‘rovi bo‘yicha Ma’lumotlarni oshkor qilish talab etiladigan hollar bundan mustasno;

Ma’lumotlarga ishlov berish (jumladan, ularni yig‘ish) boshlanishidan oldin aniq, qonuniy maqsadlar belgilanadi;

faqat e’lon qilingan ishlov berish maqsadi uchun zarur va yetarli bo‘lgan Ma’lumotlar yig‘iladi;

bir-biriga mos kelmaydigan maqsadlarda ishlov beriladigan Ma’lumotlarni o‘z ichiga olgan ma’lumotlar bazalarini birlashtirishga yo‘l qo‘yilmaydi;

Ma’lumotlarga ishlov berish aniq, oldindan belgilangan va qonuniy maqsadlarga erishish bilangina cheklanadi;

Agar qonunchilikda boshqa holatlar nazarda tutilmagan bo‘lsa, qayta ishlanayotgan Ma’lumotlar qayta ishlash maqsadlariga erishilgach yoki ushbu maqsadlarga erishish zarurati yo‘qolgan taqdirda yo‘q qilinishi yoki shaxssizlantirilishi kerak.

 5.2. Korxona subyektlarning Ma’lumotlarini hammabop ma’lumotlar manbalariga kiritishi mumkin, bunda Korxona subyektning Ma’lumotlarini qayta ishlash uchun uning yozma roziligini oladi.

 5.3. Korxona irqiy, milliy mansublik, siyosiy qarashlar, diniy, falsafiy va boshqa e’tiqodlar, shaxsiy hayot, jamoat birlashmalariga, shu jumladan kasaba uyushmalariga a’zolikka oid Ma’lumotlarni qayta ishlamaydi.

 5.4. Korxona Ma’lumotlar subyektining sog‘lig‘i to‘g‘risidagi ma’lumotlarni quyidagi hollarda qayta ishlashi mumkin:

 1) qonunchilikka muvofiq;

 2) xodimning hayoti, sog‘lig‘i yoki boshqa hayotiy muhim manfaatlarini yoxud boshqa shaxslarning hayoti, sog‘lig‘i yoki boshqa hayotiy muhim manfaatlarini himoya qilish uchun va bunda Ma’lumotlar subyektining roziligini olishning imkoni bo‘lmasa;

 3) xodim yoki uchinchi shaxslarning huquqlarini belgilash yoki amalga oshirish uchun, shuningdek odil sudlovni amalga oshirish munosabati bilan;

 4) sug‘urtaning majburiy turlari to‘g‘risidagi qonunchilikka, sug‘urta to‘g‘risidagi qonunchilikka muvofiq.

 5.5. Korxonada biometrik Ma’lumotlar (insonning fiziologik va biologik xususiyatlarini tavsiflovchi, ular asosida shaxsini aniqlash mumkin bo‘lgan hamda operator tomonidan Ma’lumotlar subyektining shaxsini aniqlash uchun foydalaniladigan ma’lumotlar) qayta ishlanmaydi.

 5.6. Korxona Ma’lumotlarni transchegaraviy tarzda uzatishni amalga oshirmaydi.

 5.7. O‘zbekiston Respublikasi qonunchiligida belgilangan hollarda, Korxona Ma’lumotlarni uchinchi shaxslarga (soliq xizmati va boshqa davlat organlariga) berishga haqlidir.

 5.8. Korxona Ma’lumotlar subyektining roziligi bilan, uchinchi shaxslar bilan tuziladigan shartnoma asosida Ma’lumotlarni qayta ishlashni ushbu shaxslarga topshirishga haqlidir.

 5.9. Korxona bilan tuzilgan shartnoma (operatorning topshirig‘i) asosida Ma’lumotlarni qayta ishlaydigan shaxslar Qonunda nazarda tutilgan Ma’lumotlarni qayta ishlash va himoya qilish prinsiplari hamda qoidalariga rioya etish majburiyatini o‘z zimmalariga oladilar. Shartnomada har bir uchinchi shaxs uchun Ma’lumotlarni qayta ishlaydigan uchinchi shaxs tomonidan amalga oshiriladigan harakatlar (operatsiyalar) ro‘yxati, qayta ishlash maqsadlari belgilanadi, bunday shaxsning Ma’lumotlarni qayta ishlashda maxfiylikka rioya etish va ularning xavfsizligini ta’minlash majburiyati belgilanadi, shuningdek, Qonunga muvofiq qayta ishlanadigan Ma’lumotlarni himoya qilishga doir talablar ko‘rsatiladi.

 5.10. O‘zbekiston Respublikasining amaldagi qonunchiligi talablarini va o‘zining shartnomaviy majburiyatlarini bajarish maqsadida Korxonada Ma’lumotlarni qayta ishlash avtomatlashtirish vositalaridan foydalangan holda ham, ulardan foydalanmagan holda ham amalga oshiriladi.  Qayta ishlash operatsiyalari majmui Ma’lumotlarni yig‘ish, yozib olish, tizimlashtirish, to‘plash, saqlash, aniqlashtirish (yangilash, o‘zgartirish), chiqarib olish, foydalanish, uzatish (taqdim etish, ruxsat berish), shaxssizlantirish, bloklash, o‘chirish va yo‘q qilishni o‘z ichiga oladi.

 5.11. Qonunchilikda nazarda tutilgan hollar bundan mustasno, Korxonada faqat avtomatlashtirilgan ishlov berish asosida Ma’lumotlar subyektiga nisbatan huquqiy oqibatlarni keltirib chiqaradigan yoki uning huquqlari va qonuniy manfaatlariga boshqacha tarzda daxl qiladigan qarorlar qabul qilish taqiqlanadi.

 V. Yakuniy qoidalar

 5.1. Mazkur Siyosat Korxonaning lokal normativ hujjati hisoblanadi.

 5.2. Mazkur Siyosat umumiy foydalanish uchun ochiqdir. Uning ochiqligi Korxona Saytida e’lon qilish orqali ta’minlanadi.

 5.3. Mazkur Siyosat quyidagi hollarning birortasida qayta ko‘rib chiqilishi mumkin:

 shaxsga doir ma’lumotlarga ishlov berish va ularni himoya qilish sohasidagi O‘zbekiston Respublikasi qonunchiligi o‘zgarganda;

 vakolatli davlat organlaridan Siyosatning amal qilish doirasiga ta’sir etuvchi nomuvofiqliklarni bartaraf etish to‘g‘risida ko‘rsatmalar olinganda;

Korxona rahbariyatining qaroriga asosan;

Ma’lumotlarga ishlov berish maqsadlari va muddatlari o‘zgarganda;

 tashkiliy tuzilma, axborot va/yoki telekommunikatsiya tizimlarining tuzilmasi o‘zgarganda (yoki yangilari joriy etilganda);

Ma’lumotlarga ishlov berish va ularni himoya qilishning yangi texnologiyalari (shu jumladan, uzatish, saqlash) qo‘llanilganda;

Korxona faoliyati bilan bog‘liq bo‘lgan, Ma’lumotlarga ishlov berish jarayonini o‘zgartirish zarurati yuzaga kelganda.